Улсын бүртгэлийн байгууллагын төрийн жинхэнэ албан хаагчийн албан үүргийг түр орлон гүйцэтгэх албан хаагчдыг чиглүүлэх, дадлагажуулах сургалтыг 2025 оны 01 дүгээр сарын 06-ны өдрөөс 15-ны өдрүүдэд амжилттай зохион байгууллаа.
Тус сургалтын зорилго нь:
-Улсын бүртгэлийн болон бусад хууль, эрх зүйн мэдлэг олгох
-Төрийн албан хаагчийн ёс зүйн хэм хэмжээг мөрдүүлэх
-Албан үүргээ гүйцэтгэх нөхцөл боломжоор хангах зорилготой юм.
.JPG)
Сургалтыг онолын мэдлэг олгох, Улсын бүртгэлийн ерөнхий газар, түүний зохион байгуулалтын нэгжийн чиг үүргийг танилцуулах, ажлын байранд дадлагажуулах чиглэлийн дагуу зохион байгуулсан бөгөөд сургалтын төгсгөлд мэдлэг бататгах шалгалт авч, амжилттай суралцсан албан хаагчдад Улсын бүртгэлийн ерөнхий газрын даргын албан үүргийг түр орлон гүйцэтгэгч У.Болдхүү батламж гардуулах арга хэмжээ өнөөдөр (2025.01.15) болж өндөрлөлөө.
УБЕГ-ын даргын албан үүргийг түр орлон гүйцэтгэгч У.Болдхүү сургалтад хамрагдсан албан хаагчдад хандан мэргэжил ур чадвараа хөгжүүлэх, бүртгэлийн болон холбогдох хууль, эрх зүйн актыг чанд мөрдөж нэгдсэн арга зүйтэй ажиллах талаар чиглэл өгөн ажлын амжилт хүсэв.
.JPG)
