Улсын бүртгэлийн ерөнхий газарт Шведийн хаант улсын “Спиид айдентити” ХХК нь цахим үйлчилгээний киоск, биометрик шалгалт бүхий шийдэл нийлүүлэгч бөгөөд УБЕГ-ын одоо ашиглагдаж буй Цахим гадаад паспортын киоск төхөөрөмжүүдийн үйлдвэрлэгч компани юм.
Тус компаниас гаргасан хүсэлтийн дагуу нийлүүлэгч төхөөрөмжүүд, тэдгээртэй холбоотой асуудлууд болон цаашдын хамтын ажиллагааны чиглэлээр хамтарсан уулзалтыг өнөөдөр /2024.10.16/ зохион байгууллаа. Уулзалтад “Спиид айдентити” ХХК-ийн Монгол улс дахь түнш, сервис үйлчилгээ үзүүлэгч “Тридум э-Секьюрити” ХХК оролцлоо.
Уулзалтаар “Спийд айдентити” ХХК-ийн танилцуулга болоод олон улсад хэрэгжүүлж буй төсөл, арга хэмжээнүүдийн талаарх танилцуулгыг гүйцэтгэх захирал Бьорн Алден, олон улсад ашиглагдаж буй тоног төхөөрөмжүүдийн танилцуулга, программ хангамжийн шийдэлүүдийн талаархи мэдээ, мэдээллийг тус компанийн борлуулалт хариуцсан захирал Маяа Фезер нар тус тус танилцуулж, УБЕГ-ын дарга Д.Дэлгэрсайхан болон бусад албан хаагчидтай санал бодлоо хуваалцлаа.
.JPG)
Энэхүү уулзалтын үр дүнд иргэдийн хэрэгцээ шаардлагад нийцсэн илүү үр дүнтэй, сайн технологи, туршлагыг улсын бүртгэлийн үйлчилгээнд нэвтрүүлж, байгууллага хоорондын хамтын ажиллагааг өргөжүүлэн хамтран ажиллахаар болов.
