Монголын Хуульчдын холбооноос жил бүр уламжлал болгон зохион байгуулдаг иргэдийн эрх, хууль ёсны ашиг сонирхлыг хамгаалах зорилготой хууль зүйн үнэгүй зөвлөгөө өгөх “Хуульчийн Про Боно өдөр-2023” өдөрлөг 2023 оны 05 дугаар сарын 1-ний өдөр орон даяар амжилттай зохион байгуулагдаж өндөрлөлөө.
“Бүх нийтийн эрх зүйн боловсролыг дээшлүүлэх үндэсний хөтөлбөр”-ийн хүрээнд зохион байгуулагдсан тус өдөрлөгт 21 аймгийн Улсын бүртгэлийн хэлтсүүд оролцон иргэн, эд хөрөнгө, хуулийн этгээдийн бүртгэлийн үйлчилгээг иргэдэд үзүүлж, Тоон гарын үсэг олгож ажиллав.
Мөн Нийслэл хотод буюу Д.Сүхбаатарын талбайд зохион байгуулагдсан тус арга хэмжээнд Чингэлтэй дүүргийн улсын бүртгэлийн хэлтэс оролцож, нийт 210 иргэнд зөвлөгөө мэдээлэл өгч, үйлчилгээ үзүүлж ажиллалаа.
УБЕГ-ын Хамтын ажиллагаа, сургалтын хэлтэс
