Багануур дүүргийн Улсын бүртгэлийн хэлтсээс иргэд, байгууллага, албан хаагчдад төрийн үйлчилгээг хүртээмжтэй, шуурхай хүргэх, үйлчилгээг иргэнд ойртуулах зорилгоор 2026 оны 08 дугаар сарын 12-ны өдөр явуулын бүртгэлийн үйлчилгээг зохион байгууллаа.
Тус өдөр Шүүхийн шийдвэр гүйцэтгэх ерөнхий газрын харьяа Нээлттэй, хаалттай хорих 427 дугаар ангид ажиллаж, алба хаагчдын бүртгэлийн хэрэгцээ, шаардлагад нийцүүлэн газар дээр нь бүртгэлийн үйлчилгээ үзүүлэв.
Үйлчилгээний хүрээнд нийт 13 бүртгэлийн үйлчилгээ үзүүлснээс бүртгэлийн сунгалт – 8, дахин бүртгэл – 5 тус тус хийж, тус ангид ажиллаж буй 12 албан хаагчид бүртгэлийн үйлчилгээтэй холбоотой хууль, журам, бүрдүүлэх материал болон үйлчилгээ авах дарааллын талаар зөвлөгөө, мэдээлэл өгч, шаардлагатай мэдээллээр ханган ажилласан байна.
.jpeg)
Улсын бүртгэлийн байгууллагаас төрийн үйлчилгээг иргэн бүрд хүртээмжтэй хүргэх, цаг хугацаа, зардлыг хэмнэх, байгууллага хоорондын хамтын ажиллагааг бэхжүүлэх чиглэлээр явуулын бүртгэлийн үйлчилгээг тогтмол зохион байгуулж, иргэд, алба хаагчдын хэрэгцээ шаардлагад нийцсэн шуурхай үйлчилгээг хүргэн ажиллаж байна.
