“Иргэн төвт төрийн үйлчилгээ – Хуулиа дээдэлж, хариуцлагаа ухамсарлая” аяны хүрээнд иргэдийн эрх зүйн мэдлэгийг дээшлүүлэх, төрийн үйлчилгээний талаарх мэдээллийг хүртээмжтэй хүргэх зорилгоор нээлттэй сургалт, хэлэлцүүлгийг зохион байгуулж байна.
Энэ хүрээнд Хан-Уул дүүргийн Улсын бүртгэлийн хэлтсийн Иргэний улсын бүртгэлийн тасаг болон Эд хөрөнгийн эрхийн улсын бүртгэлийн тасгаас 2026 оны 08 дугаар сарын 04-ний өдөр Хангарьд үйлчилгээний цэгээр үйлчлүүлж буй иргэдэд, 2026 оны 08 дугаар сарын 11-ний өдөр дүүргийн Иргэдэд үйлчлэх төвийн 1 дүгээр давхарт байрлах “Нэг цэгийн үйлчилгээ”-ний төвөөр үйлчлүүлж буй иргэдэд тус тус сургалт, хэлэлцүүлгийг зохион байгууллаа.
Сургалт, хэлэлцүүлгээр:
- Иргэний улсын бүртгэлийн чиглэлээр гадаад паспорт, овог, эцэг, эхийн нэр болон өөрийн нэр өөрчилсний бүртгэл;
- Шилжилт хөдөлгөөний бүртгэлтэй холбоотой мэдээлэл;
- Эд хөрөнгийн эрхийн улсын бүртгэлийн чиглэлээр шинээр баригдсан орон сууц болон газраас бусад үл хөдлөх эд хөрөнгийг улсын бүртгэлд бүртгүүлэхтэй холбоотой хууль, журмын талаарх мэдээллийг иргэдэд хүргэлээ.
Мөн сургалтын үеэр иргэдийн сонирхсон асуултад хариулж, улсын бүртгэлийн үйлчилгээг хэрхэн авах, бүрдүүлэх материал болон анхаарах асуудлын талаар холбогдох мэргэжилтнүүд мэдээлэл өгч, зөвлөгөө хүргэв.
