"Эрх зүйт төр – Иргэний итгэлцлийн реформ"-ын хүрээнд төрийн үйлчилгээг иргэн төвтэй, иргэндээ ээлтэй, түргэн шуурхай хүргэх зорилгоор Хууль зүй, дотоод хэргийн яамнаас 2026 оны 07 дугаар сарын 27-ны өдрөөс эхлэн "Явуулын оффис"-ыг ажиллуулж байна.
Тус арга хэмжээний хүрээнд Хууль зүй, дотоод хэргийн яамны харьяа 11 агентлаг, байгууллага төрийн үйлчилгээг нэг дороос иргэдэд хүргэн ажиллаж байгаа бөгөөд өнөөдөр (2026.07.27) Чингэлтэй дүүргийн 7 буудлын эцэс, Баянзүрх дүүргийн Шар хадны эцэст ажиллаж иргэдэд төрийн үйлчилгээ, хууль, эрх зүйн зөвлөгөө, мэдээллийг нэг цэгээс хүртээмжтэй хүргэлээ.
Улсын бүртгэлийн байгууллагын хувьд өнөөдөр нийт 92 иргэнд улсын бүртгэлийн лавлагаа, үйлчилгээг үзүүлж, иргэдийг зөвлөгөө, мэдээллээр ханган ажиллалаа.
Үйлчилгээний төрлөөр авч үзвэл:
- Тоон гарын үсгийн үйлчилгээ – 28
- Иргэний үнэмлэх дахин олголт – 4
- Гэрлэлтийн гэрчилгээ дахин олголт – 2
- Иргэний үнэмлэхийн лавлагаа – 3
- Эд хөрөнгийн улсын бүртгэлтэй холбоотой өргөдөл хүлээн авсан – 5
- Зөвлөгөө мэдээлэл-50 тус тус үзүүлсэн байна.
.jpg)
.jpg)
.jpg)
