“Эрх зүйт төр - Иргэний итгэлцлийн реформ”-ын хүрээнд төрийн үйлчилгээг иргэн төвтэй, иргэндээ ээлтэй, хурдан шуурхай болгох зорилгоор ХЗДХЯ-наас зохион байгуулж буй “Явуулын оффис”-оор Улсын бүртгэлийн байгууллага дараах үйлчилгээг үзүүлж ажиллана.
- Иргэний улсын бүртгэлийн үйлчилгээ үзүүлэх
- Иргэний бүртгэлийн лавлагаа олгох
- Өргөдөл, гомдол хүлээн авч шийдвэрлэх
- Иргэн, эд хөрөнгө, хуулийн этгээдийн улсын бүртгэлийн талаарх зөвлөгөө, мэдээлэл өгөх
Энэхүү "Явуулын оффис"-оор Хууль зүй, дотоод хэргийн яамны харьяа 11 агентлаг, байгууллага иргэдэд төрийн үйлчилгээ үзүүлэх бөгөөд өнөөдөр \2026.07.27\ Чингэлтэй дүүргийн нутаг дэвсгэрт харьяалагдах 7 буудлын эцэс \10:00-12:00\ Баянзүрх дүүргийн нутаг дэвсгэрт харьяалагдах Шар хадны эцэст \14:00-16:00\ ажиллаж иргэдэд үйлчилгээ үзүүлнэ.
ХЗДХЯ-ны “ЯВУУЛЫН ОФФИС”-оор дамжуулан "ХУРДАН" киоск төхөөрөмжөөс төр, хувийн хэвшлийн 60 гаруй байгууллагын 600 орчим үйлчилгээ, лавлагаа, тодорхойлолтыг иргэнд гаргаж өгнө. Мөн жолооны үнэмлэх, иргэний үнэмлэхийг газар дээр нь хэвлүүлэн авах боломжтой.
