Зөрчил мэдээллийн нэгдсэн сангийн ашиглалт болон холбогдох хууль тогтоомжийн талаарх мэдлэгийг дээшлүүлэх, шинээр эрх олгогдсон албан хаагчдыг мэргэжил, арга зүйн дэмжлэгээр хангах, хяналт шалгалтын үйл ажиллагааг нэгдсэн арга зүйгээр хэрэгжүүлэх, улсын бүртгэлийн зөрчлөөс урьдчилан сэргийлэх, бүртгэлийн эрсдэлийг бууруулах, иргэдэд үзүүлэх улсын бүртгэлийн үйлчилгээг шуурхай, чанартай хүргэх зорилгын хүрээнд шинээр хяналтын улсын байцаагчийн эрх олгогдсон сумдын улсын бүртгэгч нарт зориулсан цахим сургалтыг өнөөдөр (2026.06.26) зохион байгууллаа.
Сургалтын хүрээнд Зөрчил мэдээллийн нэгдсэн сангийн ашиглалт, холбогдох хууль тогтоомж, хяналт шалгалтын үйл ажиллагааны стандарт, ёс зүй, улсын бүртгэл хөтлөхөд анхаарах асуудал, кибер аюулгүй байдал, цахим орчин дахь нийтлэг эрсдэлээс урьдчилан сэргийлэх арга хэмжээ, Зөрчил мэдээллийн нэгдсэн санд ажиллах аргачлалын талаар мэдээлэл, арга зүйн зөвлөгөө өглөө. Цахим сургалтыг Улсын бүртгэлийн ерөнхий газрын Хяналт шалгалтын газрын хяналтын улсын ахлах байцаагч Н.Анхбаяр, З.Мөнхцэцэг, П.Оюунцэрэн болон Кибер аюулгүй байдлын хэлтсийн ахлах мэргэжилтэн П.Чинболд нар удирдан явууллаа.
