Улсын бүртгэлийн байгууллагаас албан хаагчдын хүний эрхийн мэдлэг, ойлголтыг нэмэгдүүлэх, хөгжлийн бэрхшээлтэй иргэдэд төрийн үйлчилгээг тэгш, хүртээмжтэй хүргэх чадавхыг бэхжүүлэх зорилгоор “Хөгжлийн бэрхшээлтэй хүний эрхийн тухай мэдлэг олгох сургалт”-ыг зохион байгууллаа.
Тус сургалтад УБЕГ-ын газар, хэлтсийн албан хаагчид танхимаар, дүүрэг болон орон нутгийн улсын бүртгэлийн хэлтсийн албан хаагчид цахимаар хамрагдав.
Сургалтыг Хан-Уул дүүргийн Хөдөлмөр, халамж үйлчилгээний газар болон “Хэрэглээний сэтгэл зүй судлалын хүрээлэн” төрийн бус байгууллагын мэргэжилтэн, сургагч багш нар удирдан явуулж, хөгжлийн бэрхшээлтэй хүний эрхийг хангах хууль эрх зүйн орчин, үйлчилгээ үзүүлэх явцад баримтлах зарчим, харилцааны онцлог, байгууллагын ажилтнуудын сэтгэл зүйн эрүүл мэндийг дэмжих арга замын талаар дэлгэрэнгүй мэдээлэл өглөө.
Тухайлбал, “Хөгжлийн бэрхшээлтэй иргэдийн хууль эрх зүйн тогтолцоо”, “Хөгжлийн бэрхшээлтэй иргэдтэй харилцахад анхаарах асуудал”, “Байгууллагын албан хаагчдын сэтгэл зүйн эрүүл мэнд болон стресс тайлах арга” сэдвүүдээр илтгэл тавьж, оролцогчдын асуултад хариулан зөвлөмж, мэдээлэл хүргэлээ.
