Улсын бүртгэлийн байгууллагаас иргэдэд үзүүлэх төрийн үйлчилгээний чанар, хүртээмжийг нэмэгдүүлэх, хүнд суртлыг бууруулах, бүртгэлийн үйлчилгээг түргэн шуурхай хүргэх зорилгоор “Иргэндээ ээлтэй бүртгэлийн үйлчилгээ” аяныг зохион байгуулан ажиллаж байна.
Аяны хүрээнд Дундговь аймгийн Дэлгэрцогт, Гурвансайхан сумдад иргэдийн цаг хугацаа, зардлыг хэмнэхэд чиглэсэн дараах ажлуудыг үе шаттайгаар хэрэгжүүллээ.
Төрийн үйлчилгээний цахимжилт, хүртээмжийг нэмэгдүүлэх чиглэлээр иргэний улсын бүртгэл, эд хөрөнгийн эрхийн улсын бүртгэл, хуулийн этгээдийн улсын бүртгэлийн үйлчилгээтэй холбоотой зөвлөгөө, мэдээллийг E-Mongolia платформоор дамжуулан иргэдэд хүргэн ажиллав.
Явуулын үйлчилгээний хүрээнд алслагдсан баг, суурин газрын болон зорилтот бүлгийн иргэдэд улсын бүртгэлийн үйлчилгээг ойртуулах зорилгоор “Явуулын бүртгэл”-ийн үйлчилгээг зохион байгуулж, бичиг баримтын зөрчилтэй иргэдийн асуудлыг газар дээр нь шуурхай шийдвэрлэлээ.
Мөн иргэн, эд хөрөнгө, хуулийн этгээдийн улсын бүртгэлийн чиглэлээр зөвлөгөө, мэдээлэл өгч, нийт 142 иргэнд төрийн үйлчилгээг түргэн шуурхай хүргэн ажиллав.
