Сүхбаатар аймгийн Улсын бүртгэлийн хэлтсийн албан хаагчдын хүүхдүүд Олон Улсын хүүхдийн эрхийг хамгаалах өдрийг угтсан “ХҮҮХДИЙН МАРАФОН”-ыг дэмжиж, хүүхэд, гэр бүлийн оролцоог хангаж амжилттай оролцлоо. Мөн хэлтсийн дэргэдэх “Эцэг эхийн зөвлөл”-өөс “Хүүхдийн баяр”-ын арга хэмжээг зохион байгуулж, ээж аавынх нь ажлын байртай танилцуулж, авьяас билгийг нь хуваалцаж урамшуулан, нэгэн өдрийг хөгжилтэй дурсамжтайгаар хамтдаа өнгөрүүллээ.
Сүхбаатар аймгийн Улсын бүртгэлийн хэлтэст ажиллаж буй албан хаагчдын гэр бүлд 0–16 насны нийт 64 хүүхэд байна.
Тус хэлтэс нь хүүхэд хамгааллын бодлогод нийцүүлэн хүүхдийн хөгжил, оролцоог дэмжих чиглэлээр тодорхой арга хэмжээнүүдийг хэрэгжүүлэн ажиллаж байна. Тухайлбал, хөдөлгөөний бэрхшээлтэй хүүхдээ асран халамжилдаг өрх толгойлсон эхийг богиносгосон цагаар ажиллах нөхцөлөөр ханган ажиллуулж байна.
