Төрөөс хэрэгжүүлж буй орон сууцжуулах бодлогын хүрээнд иргэдэд үзүүлэх бүртгэлийн үйлчилгээг илүү ойлгомжтой, шуурхай болгох, байгууллагуудын хамтын ажиллагааг сайжруулах зорилгоор төрийн өмчит орон сууцны байгууллагуудын төлөөлөлтэй уулзалт зохион байгууллаа.
Уулзалтад Төрийн орон сууцны корпораци (ТОСК), Нийслэлийн орон сууцны корпораци (НОСК), “Улаанбаатар орон сууцжуулалт” ХХК-ийн төлөөлөл оролцож, иргэдэд хүндрэл учруулдаг зарим асуудлыг шийдвэрлэх талаар санал солилцов.
Тодруулбал, шаардлагагүй албан бичиг, тодорхойлолт шаардах явдлыг багасгах, дахин төлөвлөлтийн хүрээнд баригдсан орон сууцны захиалагч буюу гурван талт гэрээтэй иргэдийн эрх ашгийг хамгаалах чиглэлд анхаарч ажиллахаар ярилцлаа. Мөн дуусаагүй барилгыг бүртгэх, урьдчилсан тэмдэглэл хийх зэрэг асуудлыг шийдвэрлэхэд байгууллагуудын уялдаа холбоог сайжруулж, тогтмол хамтран ажиллахаар тохиролцов.
Уулзалтад ТОСК-аас Хөрөнгө оруулалтын ахлах мэргэжилтэн Б.Мөнхцэцэг, Түрээс борлуулалтын мэргэжилтэн Х.Нямсүрэн, “Улаанбаатар орон сууцжуулалт” ХХК-иас Гэрээ, эрх зүйн ахлах мэргэжилтэн О.Чингэсболд, мэргэжилтэн н.Отгондэлгэр, мөн Улсын бүртгэлийн ерөнхий газар-ын Эд хөрөнгийн эрхийн улсын бүртгэлийн газрын дарга Д.Болормаа, улсын ахлах бүртгэгч Ө.Өнөрлхам, улсын бүртгэгч Б.Баттунгалаг нар оролцлоо.
