“Олон улсын гэр бүлийн өдөр”-ийг тохиолдуулан залуу хосуудын “Гэрлэлтийн батлах гардуулах ёслол”-ыг Завхан аймгийн Хүүхэд, гэр бүлийн хөгжил, хамгааллын газартай хамтран 5 дахь жилдээ амжилттай зохион байгууллаа. Улиастай сумын Чигэстэй, Жаргалант, Товцог багийн нийт 5 залуу хос гэрлэлтээ албан ёсоор батлуулж, гэрлэлтийн үнэмлэхээ гардан авлаа.
Мөн гэрлэлтээ батлуулж буй хосууд Завхан аймгийн Хүүхэд, гэр бүлийн хөгжил, хамгааллын газрын зохион байгуулсан “Гэр бүлийн үнэ цэнэ, хосуудын харилцаа” сургалтад хамрагдаж, гэр бүлийн боловсрол, харилцааны талаарх мэдлэг мэдээллээ нэмэгдүүлсэн юм.
