Дорнод аймгийн Улсын бүртгэлийн хэлтэс Үндэсний мод тарих өдрийг тохиолдуулан аймгийн Байгаль орчны газартай хамтран “Нэг иргэн – Нэг мод” санаачилгыг хоёр дахь жилдээ хэрэгжүүлж байна.
2026 оны 05 дугаар сарын 01-нээс 06 дугаар сарын 01-ний өдрийг хүртэлх хугацаанд улсын бүртгэлийн үйлчилгээ авсан иргэдэд 3 настай нарс мод бэлэглэж байна. Тодруулбал, төрсний бүртгэл, гэрлэлтийн бүртгэл болон хувийн орон сууцны өмчлөх эрхийн бүртгэл хийлгэсэн иргэдэд нарс мод гардуулан өгч байна.
Энэхүү ажлыг зөвхөн аймгийн төвд төдийгүй Дорнод аймгийн 14 сумын улсын бүртгэлийн нэгжүүдэд зэрэг хэрэгжүүлж байгаа бөгөөд байгаль хамгаалал, ногоон хөгжилд иргэдийн оролцоог нэмэгдүүлэх, мод тарих соёлыг түгээн дэлгэрүүлэхэд чиглэж байгаагаараа онцлог юм.
.jpg)
.jpg)
.jpg)
