Орхон аймгийн Улсын бүртгэлийн хэлтэс нь ахмад настантай холбоотой хууль, тогтоомжийг Хууль зүй, дотоод хэргийн салбарт хэрэгжүүлэх 2026 оны төлөвлөгөөний хэрэгжилтийг хангах ажлын хүрээнд Хөдөлмөр, халамжийн үйлчилгээний газартай хамтран “Ахмад мэргэжилтний зөвлөх үйлчилгээ” хөтөлбөрийг хэрэгжүүлэн ажиллаж байна.
Тус хөтөлбөрийн хүрээнд ахмад ажилтан Г.Моголцогийг шинээр томилогдсон улсын бүртгэгч нарыг сургах, чадавхжуулах, арга зүйн зөвлөгөө өгөх чиглэлээр ажиллуулж байна.
Г.Моголцог нь Улсын бүртгэлийн хэлтэст 22 жилийн турш улсын бүртгэгчээр ажилласан, арвин туршлагатай ахмад мэргэжилтэн бөгөөд түүний мэдлэг, ур чадвар, ажлын туршлага нь залуу албан хаагчдын чадавхыг бэхжүүлэхэд үнэтэй хувь нэмэр оруулж байна.
Улсын бүртгэлийн хэлтсийн хамт олны зүгээс ахмад мэргэжилтэн Г.Моголцогт талархал илэрхийлж, цаашдын ажил үйлсэд нь амжилт хүсье.
