Нийслэлийн Засаг даргын Тамгын газар, Монголын Хуульчдын холбоо, Монголын Өмгөөлөгчдийн холбоо хамтран “Хуульчийн про боно-2026”, “Өмгөөлөгч танд тусалъя” нэгдсэн өдөрлөгийг өнөөдөр буюу 2026 оны 05 дугаар сарын 01-ний өдөр Жанжин Д.Сүхбаатарын талбайд зохион байгуулж байна.
Тус өдөрлөгт Сүхбаатар дүүргийн Улсын бүртгэлийн хэлтэс оролцож, иргэдэд иргэний улсын бүртгэл, хуулийн этгээдийн улсын бүртгэл, эд хөрөнгийн эрхийн улсын бүртгэл, архивын лавлагаа олгох зэрэг үйлчилгээг шуурхай үзүүлэн ажиллаж байна.
Мөн иргэдэд улсын бүртгэлийн үйлчилгээний талаарх дэлгэрэнгүй мэдээлэл өгч, төрийн үйлчилгээг цахимаар хэрхэн хурдан шуурхай, хялбар авах талаар заавар, зөвлөгөө өгч байна.
Тус арга хэмжээнд төрийн болон Төрийн бус, 30 гаруй байгууллага оролцож зарим төрийн үйлчилгээг үнэ төлбөргүй үзүүлж байгаа бөгөөд иргэд та бүхэн өнөөдөр 17:00 цаг хүртэл Жанжин Д.Сүхбаатарын талбайд хүрэлцэн ирж, өөрт хэрэгцээтэй хууль, эрх зүйн зөвлөгөө, мэдээлэл авахаас гадна улсын бүртгэлийн үйлчилгээг газар дээр нь авах боломжтой юм.
