Нийслэлийн хот байгуулалт, хотын стандартын газар болон Нийслэлийн хяналт шалгалтын газартай хамтарсан сургалт, уулзалт зохион байгууллаа

  1. 2026-05-01
  2. Цаг үе, үйл явдал, Мэдээ,
  3. 77 уншсан
A- A A+
Нийслэлийн хот байгуулалт, хотын стандартын газар болон Нийслэлийн хяналт шалгалтын газартай хамтарсан сургалт, уулзалт зохион байгууллаа

УБЕГ-ын Эд хөрөнгийн эрхийн улсын бүртгэлийн газраас “Барилга байгууламжийг байнгын ашиглалтанд хүлээн авах, хаяг олгох үйл ажиллагаа” сэдэвт сургалт, мэдээлэл солилцох уулзалтыг зохион байгууллаа.

Сургалтын хүрээнд барилга байгууламжид хаяг олгох, барилгын ажлыг эхлүүлэх болон үргэлжлүүлэх зөвшөөрөл олголт, үйл ажиллагаа, барилгын техникийн хяналт, угсралт болон ашиглалтын үеийн зураг төслийн өөрчлөлтийн хууль эрх зүйн орчин, анхаарах асуудлуудын талаар мэдээлэл өгөхөөс гадна иргэн, хуулийн этгээдэд үйлчилгээ үзүүлэхэд гарч буй хүндрэлтэй, ойлголтын зөрүүтэй асуудлыг хэлэлцэх, байгууллагуудын уялдаа холбоог сайжруулах, цаашид цахим системээр дамжуулан боломжит мэдээллийг солилцох чиглэлд хамтран ажиллахаар боллоо.

Сургалтад УБЕГ-ын Эд хөрөнгийн эрхийн улсын бүртгэлийн газрын улсын бүртгэгч нар, Хяналт шалгалтын газрын хяналтын улсын ахлах байцаагч нар мөн Нийслэлийн 9 дүүргийн Улсын бүртгэлийн хэлтсийн эд хөрөнгийн эрхийн улсын ахлах бүртгэгч, тасгийн дарга нар хамрагдав.

Тус сургалтаар Нийслэлийн Хот байгуулалт, хотын стандартын газрын Орон зайн мэдээллийн сан хариуцсан ахлах мэргэжилтэн Д.Уранбайгаль, Нийслэлийн Хот байгуулалт, хотын стандартын газрын Хот байгуулалтын хяналтын хэлтсийн ахлах мэргэжилтэн Д.Өлзийжаргал, Нийслэлийн хяналт шалгалтын газрын Барилгын стандарт аюулгүй байдлын хяналтын хэлтсийн Барилгын техникийн хяналтын улсын ахлах байцаагч З.Ганбат нар тус тус илтгэл хэлэлцүүлж, оролцогчдын  асуусан асуултад хариулт өглөө.

 

Хамтарсан сургалт, уулзалтаар яригдсан асуудлаар улсын бүртгэгч нарт холбогдох чиглэл, зөвлөмжийг бодлогын газраас хүргүүлэх юм.