Дорноговь аймгийн Улсын бүртгэлийн хэлтэс зөөврийн тоног төхөөрөмж ашиглан Зэвсэгт хүчний 336 дугаар ангитай хамтран тус ангид хугацаат цэргийн алба хааж буй байлдагчийн гэрлэлтийн бүртгэлийг бүртгэх үйл ажиллагааг зохион байгууллаа. Эх орныхоо тусгаар тогтнол, аюулгүй байдлын төлөө тангараг өргөн үүргээ нэр төртэй гүйцэтгэж яваа алба хаагчийн амьдралын чухал үйл явдал болох гэрлэлтийн бүртгэлийг ийнхүү ёслол төгөлдөр зохион байгуулсан нь төрийн үйлчилгээний чанар, хүртээмжийг шинэ шатанд гаргасан бодит жишээ боллоо. Энэхүү арга хэмжээнд алба хаагчийн гэр бүлийнхэн, Зэвсэгт хүчний 336 дугаар ангийн нийт бие бүрэлдэхүүн оролцож, шинэхэн хосуудад аз жаргал, сайн сайхныг хүсэн мэндчилгээ дэвшүүллээ.
