Сурагчдын амралтыг тохиолдуулан Архангай аймгийн Улсын бүртгэлийн хэлтэс албан хаагчдынхаа 6-14 насны хүүхдүүдийг хөгжүүлэх, тэдний амралт, чөлөөт цагийг үр бүтээлтэй өнгөрүүлэх зорилгоор танин мэдэхүйн сургалтын үйл ажиллагааг зохион байгууллаа. Тодруулбал, Unitel STEAM HUB-тай хамтран “Робот кодчилол”, “Хөгжилтэй кодчилол” сэдэвт сургалтыг зохион байгуулж, нийт 14 хүүхдийг хамруулсан байна.
Сургалтын үеэр оролцогч хүүхдүүд программчлалын анхан шатны ойлголттой болж, логик сэтгэлгээ, бүтээлч чадвараа хөгжүүлэхээс гадна робот удирдах, энгийн код бичих зэрэг дадлыг эзэмшлээ. Мөн багаар ажиллах, асуудал шийдвэрлэх ур чадвараа хөгжүүлэхэд чиглэсэн сонирхолтой дасгал, туршилтуудад идэвхтэй оролцов.
Энэхүү үйл ажиллагаа нь хүүхдүүдийн мэдээллийн технологийн мэдлэгийг нэмэгдүүлэх, ирээдүйн ур чадварыг багаас нь төлөвшүүлэхэд чухал ач холбогдолтой болсныг эцэг эхчүүдийн төлөөлөл онцолж байлаа.
.png)
.png)
.png)
