Өмнөговь аймгийн Улсын бүртгэлийн хэлтэс 2026 оны 02 дугаар сарын 12-ны өдөр Сэврэй суманд зохион байгуулагдсан “Малчдын зөвлөгөөн – 2026” арга хэмжээнд оролцож, иргэд малчдад төрийн үйлчилгээний хүртээмжийг нэмэгдүүлэх, мэдээллийн ил тод байдлыг хангах зорилгоор мэдээлэл, зөвлөмж өгч, улсын бүртгэлийн явуулын үйлчилгээг зохион байгуулж ажиллажээ.
Арга хэмжээний хүрээнд улсын бүртгэлийн үйлчилгээний төрөл, үйлчилгээ авахад бүрдүүлэх баримт бичиг, шийдвэрлэх хугацаа, холбогдох хууль, журам, зохицуулалтын талаар дэлгэрэнгүй мэдээлэл өгч танилцуулсан бөгөөд үйлчилгээний ихэнхийг цахим хэлбэрээр авах боломж бүрдсэнийг онцолсон юм. Мөн төрийн үйлчилгээний нэгдсэн систем болон холбогдох цахим платформоор дамжуулан иргэд орон зайнаас үл хамааран, цаг хугацаа болон зардлаа хэмнэн үйлчилгээ авах боломжтой талаар мэдээлэл хүргэж, иргэн, эд хөрөнгө, хуулийн этгээдийн улсын бүртгэлийн чиглэлээр нийт 30 гаруй иргэнд үйлчилгээ үзүүлсэн байна.
