Хэнтий аймгийн улсын бүртгэлийн хэлтсийн Иргэний улсын бүртгэлийн тасгаас иргэд, олон нийтэд чиглэсэн улсын бүртгэлийн үйлчилгээний талаарх мэдээлэл, зөвлөгөөг хүргэх ажлыг зохион байгууллаа. Уулзалтад Хэрлэн лаборатори нэгдүгээр сургуулийн сурагчид хамрагдлаа.
Тус сургуулийн 16 нас хүрч буй 180 орчим сурагчдад иргэний үнэмлэхийн анхны бүртгэл, иргэний тоон гарын үсэг, гадаад паспорт захиалах, анхаарах асуудлын талаар дэлгэрэнгүй мэдээлэл өгч, сонирхсон асуултад хариулт өглөө.
Энэхүү арга хэмжээ нь өсвөр үеийнхэнд улсын бүртгэлийн үйлчилгээний ач холбогдлыг ойлгуулах, хууль тогтоомжийн мэдлэгийг нэмэгдүүлэх, төрийн үйлчилгээг цаг хугацаанд нь зөв, шуурхай авах нөхцөлийг бүрдүүлэхэд чиглэсэн юм.
