"Ухаалаг засаг-2" төслийн төлөөлөгчид УБЕГ-тай уулзалт зохион байгууллаа

  1. 2026-02-11
  2. Цаг үе, үйл явдал, Мэдээ,
  3. 112 уншсан
A- A A+

“Ухаалаг засаг-2” төслийн хэрэгжилтэд дэмжлэг үзүүлэх ажлын хүрээнд Дэлхийн банкны төлөөлөгчид өнөөдөр УБЕГ-тай уулзалт зохион байгууллаа. 
Дэлхийн банкнаас 2026 оны 02 дугаар сарын 09-11-ний өдрүүдэд Цахим хөгжил, инновац, харилцаа холбооны яамны хэрэгжүүлж буй “Ухаалаг засаг-2” төслийн хэрэгжилтэд дэмжлэг үзүүлэх ажлын айлчлал хийж байна. Энэ хүрээнд  Улсын бүртгэлийн ерөнхий газартай уулзалт зохион байгуулж, төслийн хэрэгжилт, үр дүн, цаашдын хамтын ажиллагааны талаар санал солилцлоо.


Уулзалтад УБЕГ-ын дарга Д.Давааням, Дэлхийн банкны Төслийн багийн удирдагч, Дижитал ахлах мэргэжилтэн Сиоу Чев Куек болон холбогдох албаны бусад төлөөлөл оролцов.
Уулзалтын үеэр “Ухаалаг засаг-1, 2” төслийн хүрээнд улсын бүртгэлийн салбарт хэрэгжүүлсэн болон одоо хэрэгжүүлж буй үйл ажиллагаа, цахим шилжилтийн явц, мэдээллийн системийн шинэчлэл, төрийн үйлчилгээний хүртээмжийг нэмэгдүүлэх чиглэлээр авч хэрэгжүүлж буй арга хэмжээний талаар дэлгэрэнгүй мэдээлэл өгч, хэрэгжилтийн   явцыг танилцууллаа.

Энэхүү уулзалт нь “Ухаалаг засаг-2” төслийн хэрэгжилтийг бодит үр дүнд хүргэх, төрийн цахим үйлчилгээний шинэчлэлийг эрчимжүүлэхэд чухал ач холбогдолтой хэмээн 2 тал онцлов. 

 "Ухаалаг засаг-1" төсөл нь УБЕГ-т 2015-2020 онд  "Мэдээлэл, харилцаа холбооны технологийн дэвшлийг төрийн үйл ажиллагаанд оновчтой ашиглах замаар төрийн үйлчилгээг илүү үр ашигтай, ил тод, хүртээмжтэй болгох" зорилтын дор амжилттай хэрэгжсэн юм.