Завхан аймаг 2025 оны тэргүүний сум, баг, хэлтэс, агентлаг, оны онцлох хүн, салбарын тэргүүний албан хаагчдаа шалгаруулжээ. Энэ хүрээнд аймгийн улсын бүртгэлийн хэлтэс нийтийн мэдээллийн ил тод байдлыг хангах Shilen.gov.mn системд төрийн өмчит болон орон нутгийн өмчит байгууллагуудаа манлайлан гурван улирал дараалан A үнэлгээ авч, “Тэргүүн байр”-ыг эзэлжээ.
Энэхүү амжилт нь Монгол Улсын Засгийн газрын “Авлигатай тэмцэх 5Ш” арга хэмжээний чиглэлээр хийж хэрэгжүүлж буй шаардлагыг бүрэн ханган, төрийн байгууллагуудын мэдээллийн ил тод байдал, хариуцлага, үйлчилгээний чанар, хүртээмжийг сайжруулахад манлайлан оролцсоны үр дүн юм.
Тус хэлтэс иргэдэд түргэн шуурхай, үнэн зөв, нээлттэй мэдээлэл хүргэх, төрийн үйлчилгээний үр дүнг олон нийтэд ил тод илэрхийлэх тогтолцоог боловсронгуй болгох ажлыг тогтмол хэрэгжүүлж байгаа бөгөөд иргэдэд үзүүлэх үйлчилгээгээ илүү хүртээмжтэй, хариуцлагатай, ил тод байдлаар хангах чиглэлээр цаашид ч анхаарч ажиллахаа илэрхийллээ.
