Дундговь аймгийн улсын бүртгэлийн хэлтсийн дарга Ж.Өлзийжаргалыг байгууллагын “Хүндэт дэвтэр”-т алдаршуулав

Улсын бүртгэлийн хууль тогтоомжийг хэрэгжүүлэх, байгууллагын үйл ажиллагааг бэхжүүлэх, ёс зүйг эрхэмлэн дээдэлж, ёс зүйтэй, чадварлаг албан хаагчдыг бэлтгэн төлөвшүүлэхэд үнэтэй хувь нэмэр оруулж, мэдлэг чадвар, идэвх зүтгэлээ зориулан олон жил үр бүтээлтэй ажилласан гавьяаг нь үнэлж Дундговь аймгийн улсын бүртгэлийн хэлтсийн дарга Жамбалын Өлзийжаргалыг байгууллагын “Хүндэт дэвтэр”-т бичиж алдаршуулав. Хүндэтгэлийн үйл ажиллагааг 2026 оны 01 дүгээр сарын 28-ны өдөр Дундговь аймгийн засаг даргын тамгын газрын байранд зохион байгуулж УБЕГ-ын Тамгын газрын даргын албан үүргийг түр орлон гүйцэтгэгч Л.Нямдаваа болон улсын бүртгэлийн хэлтсийн албан хаагчид оролцлоо.

       Ж.Өлзийжаргал нь 2009 оноос одоог хүртэл Дундговь аймгийн улсын бүртгэлийн хэлтсийн даргаар ажиллаж байгаа бөгөөд ажиллах хугацаандаа Улсын бүртгэлийн жуух бичиг (2011 он), Хөдөлмөрийн хүндэт медаль(2013 он), Улсын бүртгэлийн тэргүүний ажилтан (2022 он), “Алтан гадас” одон (2022 он), Төрийн албаны салбарын тэргүүн (2025 он) шагналаар тус тус шагнаджээ. Түүнчлэн, оон нутагт төрийн албаны хууль тогтоомжийн чиглэлээр тасралтгүй сургалт, нөлөөллийн ажлыг хийхийн зэрэгцээ төрийн албаны ерөнхий шалгалтад 300 орчим хүнийг тэнцүүлэн нөөцөд бүртгүүлж хөдөө сумдын ЗДТГ, болон аймгийн агентлагууд, УБЕГ-ын харьяа хэлтсүүдэд боловсон хүчний нөөцийг бүрдүүлэхэд онцгой санаачилгатай ажилласан юм.