Архангай аймгийн ЗДТГ-ын Хууль зүйн хэлтэс нь Цагдаагийн газар, Насан туршийн суралцахуйн төвтэй хамтран хэлтсийн албан хаагчдад зориулсан хууль, эрх зүйн сургалт мэдээллийг зохион байгуулж ажиллалаа.
Сургалтын хүрээнд Эрүүгийн хууль, Авлига ашиг сонирхлын зөрчлөөс урьдчилан сэргийлэх, түүний хор уршгийн талаар ойлголт, Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль, Захиргааны ерөнхий хуулийн холбогдох заалтууд, Төрийн албаны тухай хууль, төрийн албан хаагчийн ёс зүйн дүрэм, Авлигатай тэмцэх хөтөлбөр зэрэг хууль тогтоомжийн талаар дэлгэрэнгүй мэдээлэл өгч, ажиллажээ.
Тус сургалтад хэлтсийн албан хаагчид цахимаар хамрагдсан бөгөөд сумын бүртгэгч нарыг онлайнаар бүрэн хамруулж, хамрах хүрээ өргөн, үр дүнтэйгээр зохион байгуулснаараа онцлог байлаа.
Энэхүү сургалт нь төрийн албан хаагчдын хууль, эрх зүйн мэдлэгийг дээшлүүлэх, авлига, ашиг сонирхлын зөрчлөөс урьдчилан сэргийлэх, ёс зүйтэй, хариуцлагатай төрийн албыг төлөвшүүлэхэд чухал ач холбогдолтой юм.
