Монгол Улсын Ёс зүйн хорооны сургагч багш, Дундговь аймгийн улсын бүртгэлийн хэлтсийн дарга Ж.Өлзийжаргал хэлтсийн 23 албан хаагчдад зориулан “Төрийн албан хаагчийн ёс зүй, ёс зүйн зөрчлөөс урьдчилан сэргийлэх” сэдэвт цахим болон танхим хосолсон сургалтыг зохион байгуулжээ. Сургалтаар ёс зүйн зарчим, зөрчлөөс урьдчилан сэргийлэх арга зам, бодит жишээ, кейс хэлэлцүүлгийг танилцуулж, мэдээлэл хүргэсэн байна.
Тус хэлтэс цаашид төрийн албаны нэр хүндийг дээшлүүлэх, иргэдэд үзүүлэх үйлчилгээний чанарыг сайжруулахад ёс зүйтэй, хариуцлагатай төрийн албан хаагчийг төлөвшүүлэх зорилгоор ийм төрлийн сургалт, арга хэмжээг тогтмол зохион байгуулахаар төлөвлөөд байна.
