Улсын бүртгэлийн ерөнхий газраас аймаг, дүүргийн улсын бүртгэлийн хэлтэст шинээр томилогдсон захиргааны ахлах мэргэжилтнүүдийг чиглүүлэх, дадлагажуулах сургалтыг зохион байгууллаа. Тус сургалтад 9 дүүрэг, 21 аймгийн улсын бүртгэлийн хэлтсийн захиргааны ахлах мэргэжилтнүүд хамрагдлаа. Сургалтын хүрээнд төрийн албаны тухай болон бусад холбогдох хууль тогтоомжийн мэдлэг олгож, ашиг сонирхлын зөрчлөөс ангид ажиллах зарчмыг төлөвшүүлэн, төлөвлөгөө, тайлан боловсруулах арга зүй, архив, албан хэрэг хөтлөлтийн үйл ажиллагааны талаарх мэдлэг, ур чадварыг эзэмшүүлэв.
Тодруулбал, “Хөдөлмөрийн аюулгүй байдал, эрүүл ахуйн тухай ойлголт” сэдвээр Гэр бүл, хөдөлмөр, нийгмийн хамгааллын яамны Хөдөлмөрийн харилцаа, хөдөлмөр эрхлэлтийн бодлогын газрын Хөдөлмөрийн хяналтын хэлтсийн ахлах шинжээч Ш.Хонгорзул, “Архив, албан хэрэг хөтлөлтийн тухай хууль, журам, стандартын тухай ойлголт” сэдвээр Удирдлагын академийн ХНУ тэнхимийн дэд профессор, доктор Т.Саранчимэг нар илтгэл тавьж, мэдээлэл өглөө.
Мөн практик дадлага хийж, Авлигатай тэмцэх газарт зохион байгуулагдсан сургалтад хамрагдсан юм.
.JPG)
