Улсын бүртгэлийн ерөнхий газар болон 21 аймаг, 9 дүүргийн Улсын бүртгэлийн хэлтсийн 2025 онд зохион байгуулсан үйл ажиллагааны тайлан, гүйцэтгэлийн төлөвлөгөөний биелэлтийг нэгдсэн байдлаар танилцуулах тайлангийн хурал өнөөдөр /2025.12.30/ боллоо.
Хурлыг УБЕГ-ын дарга Д.Давааням нээж, үргэлжлүүлэн “УБЕГ-ын газар, хэлтсийн 2025 оны жилийн эцсийн гүйцэтгэлийн тайланд хийсэн хяналт, шинжилгээ, үнэлгээний танилцуулга”-ыг Хууль зүй, хяналт шинжилгээ үнэлгээний хэлтсийн ахлах мэргэжилтэн Б.Лхагвасүрэн танилцуулж,“Ёс зүйн дэд хорооны 2025 оны үйл ажиллагааны танилцуулга” мэдээллийг Тамгын газрын ахлах мэргэжилтэн, ёс зүйн дэд хорооны гишүүн Б.Должинсүрэн нар танилцуулж, албан хаагчдад цаашид анхаарах асуудлуудыг мөн сануулж, чиглэл өгөв.
Хурлын төгсгөлд төрийн албан хаагчийн ёс зүйн тухай хууль болон холбогдох хууль тогтоомжийг хэрэгжүүлж, эерэг хамтын ажиллагааг төлөвшүүлсэн хамт олныг шалгаруулах зорилгоор 2025 оны “Ёс зүйтэй хамт олон”-ыг тодруулахад орон нутгийн хэлтсээс Хөвсгөл аймгийн Улсын бүртгэлийн хэлтэс, дүүргүүдээс Чингэлтэй дүүргийн Улсын бүртгэлийн хэлтэс тус тус тэргүүн байрт шалгарлаа.
Тус хуралд Улсын бүртгэлийн ерөнхий газрын болон орон нутаг, дүүргийн улсын бүртгэлийн хэлтсийн албан хаагчид танхимаар болон цахимаар хамрагдлаа.
