Е-Mongolia академийн 2025 оны ТОП-10 үйлчилгээг Улсын бүртгэлийн лавлагаанууд тэргүүлжээ. Төрийн үйлчилгээний нэгдсэн систем Е-Mongolia 2025 онд иргэдийн хамгийн их эрэлттэй ашигласан “Топ 10” үйлчилгээг нэгтгэн танилцууллаа. Өнгөрөгч онд төрийн үйлчилгээний цахим шилжилт эрчимжиж, хэрэглэгчдийн тоо 2 сая давсан бөгөөд Улсын бүртгэлийн байгууллагын үйлчилгээний лавлагаанууд жагсаалтыг тэргүүлсэн байна.
Статистик мэдээллээс харахад, иргэд бичиг баримтын бүрдүүлэлт болон үл хөдлөх хөрөнгийн гүйлгээнд шаардлагатай лавлагааг цахимаар авах нь эрс нэмэгджээ. Тухайлбал, дараах гурван үйлчилгээ хамгийн өндөр ашиглажээ.
- Иргэний үнэмлэхийн лавлагаа: 9,023,323 удаа
- Иргэний оршин суугаа газрын хаягийн бүртгэлийн лавлагаа: 5,836,154 удаа
- Үл хөдлөх хөрөнгө өмчилж байгаа болон шилжүүлсэн тухай лавлагаа: 1,967,813 удаа
2025 онд Е-Mongolia академи 5.0 хувилбар шинэчлэгдэн гарч, хиймэл оюун ухаанд суурилсан туслах болон төлбөрийн цогц шийдлүүдийг нэвтрүүлсэн нь үйлчилгээний хүртээмжийг нэмэгдүүлэхэд гол нөлөө үзүүлжээ.
.jpg)
