Авлигатай тэмцэх газрын Мөрдөн шалгах хэлтсийн мөрдөгчийн 2025 оны 11 дүгээр сарын 28-ны өдрийн 79 дүгээр мэдэгдлийн хүрээнд гэмт хэрэг гарахад нөлөөлсөн шалтгаан, нөхцөлийг арилгах, бүртгэлийн явцад гарч буй нийтлэг алдаа, эрх зүйн зөрчлөөс урьдчилан сэргийлэх зорилгоор “Хуулийн этгээдийн улсын бүртгэгчдийг чадавхжуулах сургалт, хэлэлцүүлэг”-ийг зохион байгуулав.
Тус үйл ажиллагаагаар албан хаагчдыг нэгдмэл тогтолцоо, арга зүй, нэгдсэн удирдлагаар хангах, хуулийн хэрэгжилтийг сайжруулах чиглэлээр сургалт, мэдээлэл өгч, мөн Хуулийн этгээдийн улсын бүртгэлийн тухай хуулийн шинэчилсэн найруулгын төсөлд санал авах хэлэлцүүлэг зохион байгууллаа.
Сургалтад Хуулийн этгээдийн улсын бүртгэлийн газрын албан хаагчид болон дүүргүүдийн Улсын бүртгэлийн хэлтсийн хуулийн этгээдийн тасгийн дарга бөгөөд улсын ахлах бүртгэгч, улсын бүртгэгч нар идэвхтэй хамрагдаж, бүртгэлийн үйл ажиллагааны ил тод, хариуцлагатай байдлыг нэмэгдүүлэхэд чиглэсэн санал, шийдлээ солилцов.
.JPG)
