Улсын бүртгэлийн ерөнхий газрын дарга Д.Давааням болон газар, хэлтсийн дарга нар өнөөдөр Монголын нотариатчдын танхимын ерөнхийлөгч Л.Буддорж тэргүүтэй төлөөллийг хүлээн авч уулзлаа.
Уулзалтаар Иргэний эрхийн улсын бүртгэл, Хуулийн этгээдийн улсын бүртгэл, Эд хөрөнгийн эрхийн улсын бүртгэлийн үйлчилгээний чанар, хүртээмжийг сайжруулах арга замуудын талаар санал солилцов. Түүнчлэн Улсын бүртгэлийн байгууллага нотариатаас зарим үйлчилгээг цахимаар шууд авдаг болсонтой холбоотойгоор мэдээллийн системийн найдвартай ажиллагаа, холболтын сайжруулалт болон цаашид анхаарч шийдвэрлэх шаардлагатай асуудлуудыг хэлэлцлээ. Ингэснээр иргэдэд цаг хугацаа, зардал хэмнэх, төрийн үйлчилгээний хүртээмжийг нэмэгдүүлэх нөхцөл бүрдэж байна.
Талууд цаашид иргэдэд үзүүлэх үйлчилгээний чанар, хүртээмжийг дээшлүүлэх, хууль ёсны эрх ашгийг хамгаалах, мэдээллийн системийн шинэчлэл, дижитал үйлчилгээг өргөжүүлэх, хууль эрх зүйн орчныг сайжруулах чиглэлд харилцан уялдаатай, үр дүнтэй хамтран ажиллахаар тохиролцлоо.
