Улсын бүртгэлийн байгууллагын түүхт 85 жилийн ойн хүрээнд Багануур дүүргийн Улсын бүртгэлийн хэлтсээс санаачлан, дүүргийн хөрөнгө оруулалтаар иргэдэд 24/7 тасралтгүй үйлчлэх цахим үйлчилгээний төвийн тохижилтыг бүрэн хийж, ашиглалтад оруулжээ.
Тус төв ашиглалтад орсноор иргэд төрийн үйлчилгээг цаг хугацаанд баригдалгүй, илүү түргэн шуурхай, тав тухтай авах боломж бүрдэж байна. Үйлчилгээний төвд өөртөө үйлчлэх зориулалт бүхий компьютер, принтер, Е-Mongolia цахим үйлчилгээний порталд хандах боломжийг бүрдүүлсэн бөгөөд иргэдийн тав тухыг хангах үүднээс ус шүүгч, даралт хэмжих аппарат байршуулжээ.
Иргэний улсын бүртгэлийн дараах лавлагааг авах боломжтой.
-Иргэний үнэмлэхийн
-Иргэний оршин суугаа газрын хаягийн бүртгэлийн
-Төрсний бүртгэлийн
-Үндэсний энгийн гадаад паспорт бүртгэлгүй
-Үндэсний энгийн гадаад паспорт анх удаа авсан
-Үндэсний энгийн гадаад паспорт дахин авсан
-Гэрлэсний бүртгэлийн
-Гэрлэсний бүртгэлгүй
-Гэрлэлт дуусгавар болсны бүртгэлийн
-Овог, эцэг /эх/-ийн нэр, өөрийн нэр өөрчилсний бүртгэлийн
-Регистрийн дугаар өөрчилсний
-Регистрийн дугаарын
Иргэний үнэмлдэх дахин авах үйлчилгээ /хаяж, үрэгдүүлсэн/
Хуулийн этгээдийн улсын бүртгэлийн дараах лавлагааг авах боломжтой.
-Хуулийн этгээдийн хаягийн
-Хуулийн этгээд татан буугдаж улсын бүртгэлээс хасагдсан
-Хуулийн этгээд бүртгэлгүй тухай
-Хуулийн этгээд улсын бүртгэлд бүртгэлтэй эсэх
Эд хөрөнгийн эрхийн улсын бүртгэлийн лавлагааг авах боломжтой.
-Эд хөрөнгөтэй эсэх
-Эд хөрөнгийн эрхийн улсын бүртгэлийн
3 төрлийн бүртгэлийн үйлчилгээний төлбөр төлөх үйлчилгээг авах боломжтой
Багануур дүүргийн ЗДТГ-ын нэг давхарт байрлах 24/7 цахим үйлчилгээний төвд:
- Улсын бүртгэлийн “Дөт” киоск машин
- Төрийн үйлчилгээний “Хурдан” киоск машин
- Газар зохион байгуулалтын албаны киоск машин
- Хаан банкны киоск машин
- Иргэдийн өөртөө үйлчлэх интернэтэд холбогдсон компьютер, принтер
.jpg)
