Сумдад эд хөрөнгийн эрхийн болон хуулийн этгээдийн улсын бүртгэлийн үйлчилгээг бэхжүүлэх, төвлөрлийг сааруулах төслийн хүрээнд Азийн хөгжлийн банкны төлөөлөгчдийг хүлээн авч, уулзалт зохион байгууллаа.
Уулзалтын үеэр төслийн хэрэгжилтийн явц, тулгамдаж буй асуудлууд болон цаашид авч хэрэгжүүлэх арга хэмжээний талаар дэлгэрэнгүй мэдээлэл солилцож, оролцогчид харилцан ярилцлаа. Мөн сумдын түвшинд иргэдэд үзүүлэх үйлчилгээний хүртээмжийг нэмэгдүүлэх, бүртгэлийн үйл ажиллагааг ил тод, түргэн шуурхай болгох чиглэлээр санал бодлоо хэлэлцсэн юм.
Энэхүү уулзалт нь төслийн үр дүнг үнэлэх, бодлогын зөвлөмж боловсруулахад чухал ач холбогдолтой бөгөөд цаашид орон нутаг дахь улсын бүртгэлийн үйлчилгээг боловсронгуй болгох, хамтын ажиллагааг өргөжүүлэхэд шинэ боломжийг нээсэн арга хэмжээ боллоо.
