Улсын бүртгэлийн ерөнхий газрын дэргэдэх Ёс зүйн дэд хороо нь Төрийн албан хаагчийн ёс зүйн тухай хууль болон бусад холбогдох хууль тогтоомжийн хэрэгжилтийг хангах, төрийн албан хаагчийн ёс зүйн зөрчлөөс урьдчилан сэргийлэх, соён гэгээрүүлэх ажлын хүрээнд сургалт зохион байгууллаа. Энэ хүрээнд тус хороо нь “Монгол Шведийн хамтын нийгэмлэг” төрийн бус байгууллагын дэргэдэх “Сэтгэл зүйн сургалт, хөдөлгөөнт дасгалын Д&С төв”-тэй хамтран 2025 оны 10 дугаар сарын 01-ний өдөр “Албан хаагчдын харилцаа, хандлага” сэдэвт сургалтыг зохион байгуулсан байна.
Сургалтад Улсын бүртгэлийн ерөнхий газрын зохион байгуулалтын нэгжийн 40 албан хаагч хамрагдаж, хувь хүнд шаардлагатай сэтгэл зүйн мэдээлэл, өөрийгөө танин мэдэх арга зам, аливаа зүйлийг эерэг өнцгөөс харах дадал, мөн сэтгэл зүйн эерэг байдал нь харилцаа, хандлагад хэрхэн нөлөөлдөг талаар мэдлэг олгов. “Сэтгэл зүйн сургалт, хөдөлгөөнт дасгалын Д&С төв” нь эерэг хандлагыг идэвхжүүлэх, сэтгэл зүйн арга техникийг дасгал хөдөлгөөнтэй хослуулан биеийн болон сэтгэлийн эрүүл мэндийг дэмжих үйл ажиллагааг 2016 оноос эхлэн тогтмол явуулж байгаа байгууллага юм.
