Монгол улсын ерөнхийлөгч Ухнаагийн Хүрэлсүхийн зарлигаар Иргэний улсын бүртгэлийн газрын дарга асан Д.Энхцэцэг Гавьяат эдийн засагч цол тэмдгээр шагнууллаа. Тэрбээр Улсын бүртгэлийн байгууллагын Иргэний улсын бүртгэлийн газрын даргаар 10 гаруй жил ажилласан билээ.
Иргэний улсын бүртгэлийн газрын дарга асан Д.Энхцэцэг нь Монгол улсын Засгийн газрын 2008 оны 78 дугаар тогтоолоор Монгол улсад бүртгэл, мэдээллийн нэгдсэн тогтолцоог бий болгох үндэсний хөтөлбөр, Монгол улсын Засгийн газрын 2008-2013 оны үйл ажиллагааны хөтөлбөрт туссан Улсын бүртгэлийн нэгдсэн тогтолцоог бий болгож бэхжүүлэх, мөн 2010 онд хэрэгжүүлсэн Иргэний шинэчилсэн бүртгэлийг хөтлөн, анх удаа 16-аас дээш насны иргэдийн биеийн давхцахгүй өгөгдөл буюу хуруу хээгээр бүртгэх, цахим иргэний үнэмлэхийг хэрэглээнд нэвтрүүлэх ажлыг амжилттай зохион байгуулан, олон жил үр бүтээлтэй ажиллаж байсан юм.
