2025 оны 5 дугаар сарын 23-ны өдөр Хууль зүй, дотоод хэргийн сайд О.Алтангэрэл Улсын бүртгэлийн эх нотлох баримтын архивын хадгалалт, хамгаалалтыг сайжруулах, мөн албан хаагчдын нийгмийн асуудлыг шийдвэрлэх зорилготой үйл ажиллагааны хөтөлбөрийг баталсан юм.
Уг хөтөлбөрийн хүрээнд Улсын бүртгэлийн ерөнхий газрын архивын зориулалттай барилга байгууламж болон албан хаагчдын орон сууцны барилга, угсралтын ажлыг гүйцэтгэх гэрээг “Буянт шарга констракшн”-тай ёслол төгөлдөр үзэглэлээ.
Гэрээний дагуу нийслэлийн нутаг дэвсгэрт баригдах энэхүү цогцолбор хотхон нь архивын зориулалтын 1500 м.кв барилгаас гадна үйлчилгээтэй, 16 давхар 4 блок орон сууцнаас бүрдэх юм. Төслийг хэрэгжүүлснээр албан хаагчдын ажиллах нөхцөл, нийгмийн баталгаа бодитоор сайжрах чухал алхам болно гэж үзэж байна.
Мөн Улсын бүртгэлийн ерөнхий газрын даргын албан үүргийг түр орлон гүйцэтгэгч У.Болдхүүгийн А/96 тоот тушаалаар тус төслийн хэрэгжилтийг зохион байгуулах, хэрэгжүүлэх, хяналт тавих чиг үүрэг бүхий ажлын хэсэг байгуулсан байна. Уг ажлын хэсэг нь барилгын ажил төлөвлөгөөний дагуу чанартай, стандартын шаардлага хангасан байдлаар гүйцэтгэгдэхэд онцгой анхаарч ажиллах юм.
