Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн хэрэгжилтийг хангах ажлын хүрээнд Сонгуулийн ерөнхий хорооны 2025 оны 04 дүгээр сарын 30-ны өдрийн 03 тоот тогтоолоор байгуулсан “Сонгуулийн автоматжуулсан системд ашиглах, программ хангамж, техник хэрэгслийн ажиллагааг шалган туршиж баталгаажуулан гэрчилгээ олгох ажлыг зохион байгуулах үүрэг бүхий Ажлын хэсэг”-т сонгогчийн бүртгэлийн программ хангамж, эх кодыг шалгуулж, баталгаажуулан гэрчилгээжүүллээ.
Тус ажиллагаанд Сонгуулийн ерөнхий хороо, Тагнуулын ерөнхий газар, Цахим хөгжил, харилцаа холбооны яам, Үндэсний дата төв, Төрийн цахим үйлчилгээний зохицуулалтын газар, И-Монгол академийн холбогдох албан хаагчид болон улс төрийн намуудын төлөөлөл оролцлоо.
