Төрийн үйлчилгээг иргэдэд тэгш, хүртээмжтэй хүргэх зорилтын хүрээнд Завхан аймгийн Улсын бүртгэлийн хэлтсийн албан хаагчид дохионы хэлний урт хугацааны сургалтад хамрагдаж эхэллээ. 2025 оны 5 дугаар сарын 20-ны өдөр тус хэлтсээс зохион байгуулж буй энэхүү сургалтаар албан хаагчид дохионы хэлний үндсэн ойлголт, түгээмэл хэрэглэгддэг дохио зангааны үг хэллэг, харилцааны соёлын талаар мэдлэг олж авлаа.
.jpg)
Сургалтын үр дүнд албан хаагчид төрийн үйлчилгээг хөгжлийн бэрхшээлтэй болон тусгай хэрэгцээт иргэдэд илүү хүртээмжтэй, тэгш хүргэх нөхцөл бүрдэж, нийгмийн оролцоог дэмжихэд чухал хувь нэмэр оруулах юм.
Энэхүү алхам нь хүний эрхийг хангах, төрийн үйлчилгээний чанар, хүртээмжийг сайжруулах зорилготой бодлогын хүрээнд хийгдэж буй тодорхой ажлын нэг хэсэг болж байна.
