Улсын бүртгэлийн байгууллага үүсэж хөгжсөний түүхт 85 жилийн ойг угтсан арга хэмжээнүүдийн хүрээнд Хөвсгөл аймгийн Улсын бүртгэлийн хэлтэс “Ойг угтсан бүтээлч ажил” нэртэй явуулын үйлчилгээ-г амжилттай зохион байгууллаа.
Хэлтсийн батлагдсан төлөвлөгөөний дагуу энэхүү ажлыг хэрэгжүүлсэн ба Хөвсгөл аймаг дахь анхны сургууль болох Мөрөн сумын “Нутгийн аваргууд” ерөнхий боловсролын сургуультай хамтран ажилласан нь онцлог байлаа.
.jpg)
Явуулын үйлчилгээний хүрээнд:
- Цахим гадаад паспортын үйлчилгээ,
- Иргэний биеийн давхцахгүй өгөгдлийн бүртгэлийн үйлчилгээг иргэдэд газар дээр нь үзүүлэн, бүртгэлтэй холбоотой зөвлөгөө мэдээлэл өгч ажиллалаа.
Тус үйл ажиллагаа нь иргэдэд төрийн үйлчилгээг илүү ойртуулах, хүртээмжтэй хүргэх зорилготой бөгөөд Улсын бүртгэлийн байгууллагын нийгмийн хариуцлага, бүтээлч сэтгэлгээний тод илэрхийлэл боллоо.
