Монгол Улсад Улсын бүртгэлийн байгууллага үүсч хөгжсөний түүхт 85 жилийн ойг угтан "Бид иргэдээ сонсож шийднэ" өдөрлөгийг Дундговь аймгийн улсын бүртгэлийн хэлтэс зохион байгуулжээ.
Дундговь аймгийн зүүн бүсийн 7 сум — Сайхан-Овоо, Өлзийт, Дэлгэрхангай, Говь-Угтаал, Баянжаргалан, Эрдэнэдалай, Адаацаг сумдад улсын бүртгэлтэй холбоотой бүх төрлийн үйлчилгээг газар дээр нь, иргэдэд ойр хүргэх зорилгоор зөөврийн 4G төхөөрөмж ашиглан үзүүлжээ.
Өдөрлөгийн хүрээнд дараах үйлчилгээнүүдийг иргэдэд үзүүлж байна:
“Иргэнд ойрхон – төрийн үйлчилгээ” уриан дор явагдаж буй энэхүү арга хэмжээ нь хөдөө орон нутгийн иргэдэд төрийн үйлчилгээг саадгүй, шуурхай хүргэх, төрийн байгууллагын хүртээмжийг нэмэгдүүлэх, үйл ажиллагааны ил тод, нээлттэй байдлыг хангахад чиглэж байгаагаараа онцлог юм.
Иргэд үйлчилгээ авахдаа иргэний үнэмлэх болон шаардлагатай бусад баримт бичгээ бүрдүүлэн очиход хангалттай бөгөөд үйлчилгээний багийнхан тухайн газар дээр нь бүртгэлтэй холбоотой аливаа асуудлыг хүлээн авч шийдвэрлэж байна.
.jpg)
Улсын бүртгэлийн ерөнхий газар нь цаашид ч “Иргэн төвтэй төрийн үйлчилгээ”-г нэвтрүүлэх, дижитал шилжилтийг гүнзгийрүүлэх бодлого баримтлан ажиллах болно.
