Дархан-Уул аймгийн улсын бүртгэлийн хэлтэс "Хуулиа дээдэлье – Сахин биелүүлье" уриан дор ажиллаж буй. Энэ хүрээнд албан хаагчдын мэргэжлийн ур чадварыг дээшлүүлэх, хууль зөрчихөөс урьдчилан сэргийлэх, шударга, ил тод байдлыг төлөвшүүлэх зорилгоор "Авлигаас ангид байя" сарын аяныг зохион байгуулж байна.
Аяны хүрээнд улсын бүртгэлийн хууль тогтоомжийг зөрчсөн, шүүхээр шийдвэрлэгдсэн тодорхой кейсүүдийг сонгон авч хэлэлцүүлэг зохион байгуулжээ. Хэлэлцүүлэгт бүх албан хаагчдыг оролцуулан багт хувааж, тухайн кейсийн үйл явцыг задлан шинжилж, гарсан зөрчил, түүнээс урган гарч болох эрсдэл, хариуцлага, сургамжийг хамтран хэлэлцэв.
Энэхүү арга хэмжээ нь албан хаагч бүрийн хууль сахин биелүүлэх мэдлэг, хандлага, хариуцлагыг нэмэгдүүлэхэд чиглэж байгаа бөгөөд байгууллагын хэмжээнд авлига, ашиг сонирхлын зөрчлөөс урьдчилан сэргийлэх, ёс зүйтэй, хариуцлагатай төрийн үйлчилгээг бэхжүүлэхэд чухал алхам боллоо.
Хууль дээдэлсэн, хариуцлага хүлээдэг, авлигаас ангид төрийн албыг төлөвшүүлэх зорилт үргэлжилсээр байх болно.
