Хууль зүй, дотоод хэргийн сайдын санаачилгаар хэрэгжиж буй “Хамгийн чухал нь эрүүл мэнд” зорилтот хөтөлбөрийн хүрээнд Дундговь аймгийн Улсын бүртгэлийн хэлтсийн 21 алба хаагч болон тэдний гэр бүлийн 8 гишүүн эрүүл мэндийн иж бүрэн үзлэгт хамрагдлаа.
Эрүүл мэндийн үзлэг, оношилгоог Төрийн тусгай албан хаагчдын нэгдсэн эмнэлгийн 8 эмч, сувилагч, Шүүх шинжилгээний ерөнхий газрын сэтгэл зүйч зэрэг 9 хүний бүрэлдэхүүнтэй баг гүйцэтгэв.
.jpg)
Үзлэгийн хүрээнд хэвлийн хэт авиан шинжилгээ, зүрхний цахилгаан бичлэг (ЭКГ), ясны сийрэгжилт тодорхойлох болон биеийн индекс хэмжих оношилгоо хийж, иргэдийн эрүүл мэндийн талаарх мэдээллийг бүрдүүллээ. Мөн ДОХ, тэмбүү, элэгний В, С вирус илрүүлэх цусны шинжилгээ, цусан дахь глюкозын хэмжээ тодорхойлох лабораторийн түргэвчилсэн тестүүдийг хийж, шаардлагатай зөвлөгөө мэдээллээр ханган ажиллав.
Энэхүү хөтөлбөр нь төрийн цэргийн болон хууль сахиулах байгууллагын алба хаагчид болон тэдний гэр бүлийн гишүүдийн эрүүл мэндийг хамгаалах, урьдчилан сэргийлэх үзлэгт тогтмол хамруулахад чиглэсэн чухал алхам болж байна.
