Хэл яриа болон сонсголын бэрхшээлтэй хүүхэд, тэдний гэр бүлийн гишүүдийн эрхийг хангах, сурч боловсрох болон нийгмийн харилцаанд бүрэн оролцох нөхцөлийг бүрдүүлэх зорилгоор Иргэний улсын бүртгэгч Б.Болортуяа 2025 оны 5 дугаар сарын 19-ний өдөр тус хэлтсийн албан хаагчдад дохионы хэлний анхан шатны мэдлэг олгох сургалтыг амжилттай зохион байгууллаа.
Сургалтаар албан хаагчид дохионы хэлний үндсэн ойлголт, түгээмэл хэрэглэгддэг дохио зангааны үг хэллэг, харилцааны соёлын талаар мэдлэг авч, иргэдэд хүртээмжтэй, тэгш үйлчилгээ үзүүлэхэд шаардлагатай ур чадвараа дээшлүүлсэн байна.
Энэхүү сургалт нь төрийн үйлчилгээний хүртээмжийг нэмэгдүүлж, хөгжлийн бэрхшээлтэй иргэдийн нийгмийн оролцоог дэмжих, хүний эрхийг хангах чиглэлээр хийж буй чухал алхмуудын нэг юм.
