2025 оны 5 дугаар сарын 9-ний өдөр Баянхонгор аймгийн Улсын бүртгэлийн хэлтэс, хэлтсийн Эцэг эхийн зөвлөлөөс Улсын бүртгэлийн байгууллага үүсч хөгжсөний 85 жилийн ой болон Олон улсын гэр бүлийн өдрийг угтан "ХАЙР ТҮГЭЭЕ" арга хэмжээг амжилттай зохион байгууллаа.
Арга хэмжээний гол зорилго нь гэр бүлийн үнэ цэнэ, хайр хүндлэл, эерэг харилцааг дэмжих, халуун дулаан уур амьсгалыг бүрдүүлэх, алба хаагчид хайртай гэр бүлтэйгээ хамтдаа нэг өдрийг дурсамж дүүрэн өнгөрүүлэхэд чиглэсэн юм.
Энэхүү өдөрлөгийн хүрээнд:
- Монгол Улсын гавьяат багш, сурган хүмүүжүүлэх ухааны доктор Ш.Чимгээ "ХҮН БАЙХЫН УТГА УЧИР" сэдэвт лекц уншиж, хүний ёс зүй, гэр бүлийн үнэ цэнийн талаар урам зориг өгөх илтгэл танилцууллаа.
- Баянхонгор аймгийн Залуучуудын хөгжлийн төвийн мэргэжилтэн Г.Очгэрэл "АЗ ЖАРГАЛТАЙ ГЭР БҮЛИЙГ БҮТЭЭЦГЭЭЕ" сэдвээр сургалт орж, гэр бүлийн харилцааг хэрхэн эергээр төлөвшүүлэх тухай мэдээлэл өглөө.
- Мөн арга хэмжээний үеэр “ХАЙР ТҮГЭЭЕ” уриалгыг дэвшүүлж, челленж өрнүүлсэн ба гэр бүлүүдийн дунд Монгол өв соёл, уламжлалыг дэмжсэн "АХА" тэмцээн, волейболын тэмцээн зохион байгууллаа.
“АХА” болон волейболын тэмцээнд түрүүлсэн багууд, мөн нийт оролцогчдоос “Спортлог гэр бүл”-ийг шалгаруулан тусгай шагналаар шагнаж урамшуулсан юм. Тус арга хэмжээ нь байгууллагын уур амьсгалыг эерэгээр шинэчилж, хамт олны болон гэр бүлийн холбоог бэхжүүлэх, уламжлалт соёлыг дэмжих ач холбогдолтой үйл ажиллагаа болж өндөрлөлөө.
.jpg)
