Өмнөговь аймгийн Баяндалай, Булган, Манлай сумдын улсын бүртгэгч нар улсын бүртгэлийн явуулын үйлчилгээ үзүүлэхэд ашиглах дотоод сүлжээтэй 4G зөөврийн төхөөрөмжтэй боллоо.
Шинэ төхөөрөмжүүдийг ашигласнаар хөгжлийн бэрхшээлтэй иргэд, өндөр настан, тусгай хэрэгцээт иргэд зэрэг үйлчилгээ авахад хүндрэлтэй бүлгийн иргэдэд гэрээр болон ойртох боломжтой газарт шуурхай, хүртээмжтэй үйлчилгээг үзүүлэх нөхцөл бүрдэж байна.
Энэхүү дэвшил нь орон нутгийн иргэдэд төрийн үйлчилгээг ойртуулж, хүртээмжийг нэмэгдүүлэхэд томоохон ахиц авчрах юм.
Эдгээр төхөөрөмжийг орон нутгийн төсвийн хөрөнгө оруулалтаар шийдвэрлэн олгосон сумдын Засаг даргын Тамгын газар болон удирдлагын баг, хамт олонд гүн талархал илэрхийлье.
