Улсын бүртгэлийн байгууллагын 85 жилийн ойг тэмдэглэн өнгөрүүлэх ажлын төлөвлөгөөний дагуу 2025 оны 5 дугаар сарын 8-9-ний өдрүүдэд албан хаагчдын нэгдсэн сургалтыг амжилттай зохион байгууллаа. Сургалт нь батлагдсан хөтөлбөрийн дагуу явагдаж, байгууллагын үйл ажиллагаа, үйлчилгээний чанар, хамт олны мэдлэг чадварыг дээшлүүлэхэд чиглэсэн үр дүнтэй хөтөлбөрүүдийг багтаасан юм.
Сургалтын хүрээнд “Ахмадаа сонсъё” дурсамж уулзалтыг зохион байгуулж, байгууллагад олон жил ажилласан ахмадуудаа урьж, тэдний үнэтэй туршлага, дурсамжийг хуваалцан, хүндэтгэл үзүүллээ. Мөн үе үеийн албан хаагчдын сургалт, зөвлөгөөн болон ажил, амралтын үеийн дурсамжуудаас бүрдсэн гэрэл зургийн цомгийн үзэсгэлэн гаргажээ.
Энэхүү нэгдсэн сургалт нь байгууллагын түүх, уламжлалыг албан хаагчдад таниулан, хамтын уялдаа холбоог бэхжүүлж, ирээдүйд улам өндөр үр дүнтэй ажиллах урам зориг, эрмэлзэл өгсөн чухал арга хэмжээ боллоо.
.jpg)
.jpg)
