Монгол Улсад бүртгэлийн байгууллага үүсэж хөгжсөний 85 жилийн ойг угтан Өвөрхангай аймгийн Улсын бүртгэлийн хэлтэс “Бүртгэл-85” нэртэй аяныг санаачлан хэрэгжүүлж байна. Энэхүү аяны хүрээнд байгууллагынхаа дотоод болон гадаад орчны тохижилтыг сайжруулж, ногоон байгууламжийг нэмэгдүүлэх зорилгоор мод, бут, цэцэг, ногоо тарих ажлыг өрнүүлж байгаа юм.
Тус аян нь байгууллагын ажилтан, албан хаагчдын идэвх санаачилгыг нэмэгдүүлэх, хамтын оролцоонд тулгуурлан эко соёлыг төлөвшүүлэх, цэвэр аюулгүй орчин бүрдүүлэх, байгаль орчныг хамгаалах үйлсэд хувь нэмэр оруулахыг зорьж байна.
“Бүртгэл-85” аян цаашид шат дараатайгаар үргэлжлэх бөгөөд зөвхөн нэг удаагийн мод тарих ажил бус, тогтвортой арчилгаа, ногоон орчныг төлөвлөн хөгжүүлэх урт хугацааны зорилттой юм.
