Архангай аймгийн Улсын бүртгэлийн хэлтэс нь 2025 оны 5 дугаар сарын 3-ны өдөр буюу бямба гарагт ажиллажээ. Энэ хүрээнд тус хэлтсийн Хуулийн этгээд, эд хөрөнгийн тасгаас сумын нэгжүүдэд хуулийн этгээд болон эд хөрөнгийн эрхийн бүртгэлийн чиглэлээр мэдлэг олгох сургалт, мэдээллийг зохион байгуулсан байна.
Сургалтын үеэр хуулийн этгээд, эд хөрөнгийн бүртгэл хариуцан ажилладаг сумдын мэргэжилтнүүдэд бүртгэлийг үнэн зөв, хууль журмын хүрээнд хэрхэн гүйцэтгэх талаар заавар зөвлөмж өгч, бүртгэл хийхэд анхаарах асуудлуудыг онцлон хэлэлцэв. Мөн сумдад бүртгэгдсэн эд хөрөнгийн бүртгэлд хяналт шалгалт хийж, бүртгэлийн бодит байдал, алдаа зөрчлийн түвшинг тодорхойлсон байна.
Энэхүү үйл ажиллагаа нь сумдын бүртгэлийн чанарыг сайжруулах, иргэдэд үзүүлэх үйлчилгээний хүртээмжийг нэмэгдүүлэх зорилготой юм.
