Улсын бүртгэлийн Ерөнхий газрын даргын албан үүргийг түр орлон гүйцэтгэгч У.Болдхүү тавдугаар сарын 2-ны өдөр Налайх дүүргийн Улсын бүртгэлийн хэлтэст ажиллаж, тус хэлтсийн үйл ажиллагаа, тулгамдаж буй ажлын байрны асуудал, иргэдэд үзүүлж буй үйлчилгээний явцтай танилцсан байна.
Төрийн үйлчилгээний хүртээмжийг нэмэгдүүлэх, ил тод, шуурхай байдлыг хангах, цахим бүртгэлийн үйл ажиллагааг сайжруулах талаар чиглэл өглөө.
Мөн дүүргийн Засаг дарга Д.Наянбаяртай уулзаж санал солилцсон нь Улсын бүртгэлийн хэлтсийн байр, архивын хэлтсийн байр, барилгын зураг төслийг нэг стандартаар хөгжүүлэх талаар материаллаг баазыг бэхжүүлэх бодлого тодорхойлж, төр, хувийн хэвшлийн түншлэлийн хүрээнд шийдэх асуудлаар хэлэлцлээ.
