Өнгөрсөн онд сонгуулийн бэлтгэл ажлыг хангах ажлын хүрээнд Улсын Их Хурлын тухай хуульд зааснаар гадаад улсад амьдарч байгаа иргэдийн Үндсэн хуульд заасан эрхийг хангах, Улсын бүртгэлийн хууль тогтоомжийг хэрэгжүүлэх, төрийн үйлчилгээг хүртээмжтэй хүргэх зорилгоор Монгол Улсаас гадаад улсад суугаа Дипломат төлөөлөгчийн газарт Улсын бүртгэлийн байгууллагын албан хаагчид ажилласан.
Тодруулбал, бүртгэлийн оффлайн системийг нууцлал бүхий онлайн сүлжээ /VPN/-д холбох, иргэний улсын бүртгэл хөтлөх үйл ажиллагаатай танилцах, хянах, дэмжин туслах, бүртгэл хариуцсан ажилтныг мэргэжил, арга зүйн удирдлагаар хангах, чадавхжуулах, мэдээлэл солилцох болон гадаад улсад байгаа Монгол Улсын иргэдэд улсын бүртгэлийн үйлчилгээг үзүүлэх зорилгоор 2024 оны 5 дугаар сарын 11-ний өдрөөс эхлэн 31 улс дахь Элчин сайдын яамны 44 Дипломат төлөөлөгчийн газарт 45 албан хаагч томилогдон ажилласан байна.
Засгийн газрын 2023 оны 69-р тогтоолоор Үндэсний цахим гадаад паспортын бэлдэц үйлдвэрлэх, бичилт хийх “Төрийн үнэт цаас хэвлэл” төрийн өмч давамгайлсан ХХК-ийг байгуулан, үйл ажиллагаагаа явуулж байна.
